001. តើឲ្យខ្ញុំថ្លែងពីអ្វីទៀត?
១. តើឲ្យខ្ញុំ ថ្លែងពី អ្វីទៀត ទោះមានអណ្ដាត មួយពាន់ក៏មិនល្មម
ថ្លែងពីទ្រង់ ឲ្យស្មើនឹងភាពឧត្តម នៃទ្រង់ជាម្ចាស់យើងខ្ញុំ
ជាម្ចាស់នៃគ្រប់ទាំងអស់ ។
២. មើលផ្ទៃមេឃ ឥតមាន ព្រំដែន ហ្វូងផ្កាយសល់សែន ភ្លឺចាំងពីឋានខ្ពស់
ទ្រង់បង្កើត ហើយទ្រង់គ្រប់គ្រងទាំងអស់ បើខ្ញុំប្រៀបធៀបរបស់
យល់ជាក់ថាទ្រង់អស្ចារ្យ ។
៣. តើឲ្យខ្ញុំ ប្រៀបផ្ទឹម ម្ដេចបាន រកព្រះណាគ្មាន ដូចទ្រង់គ្រប់ចេស្ដា
ភាពបរិសុទ្ធ សុចរិតឥតល្អៀងឡើយណា ព្រះទ័យស្រឡាញ់មេត្តា
ប្រោសលោះខ្ញុំដោយព្រះគុណ ។
៤. ខ្ញុំមិនអាច ផ្ទឹមទ្រង់ បានទេ ដ្បិតខ្ញុំគ្រាន់តែ ជាដីដែលទ្រង់សូន្យ
ជាប់មានបាប តែទ្រង់រើសឡើងជាកូន ស្គាល់ទ្រង់ជាក់ច្បាស់ក្នុងខ្លួន
ដោយព្រះវិញ្ញាណសំដែង ។