004. ដោយព្រះហឬទ័យស្នេហ៍
១. ព្រះដ៏គង់នៅ អស់កល្បជានិច្ចនាមល្បី គឺអង្គម្ចាស់ថ្លៃ ព្រះបិតា ព្រះរាជបុត្រ
អង្គព្រះវិញ្ញាណ ទាំងបីជាអង្គបរិសុទ្ធ ព្រះទ័យមោះមុត ស្នេហ៍យើងឥតអ្វីផ្ទឹមបាន។
២. ព្រះវរបិតា ដែលគង់នៅនាសួគ៌ឋាន ទ្រង់បានប្រទាន
នូវអង្គជាព្រះរាជបុត្រ ដោយព្រោះស្រឡាញ់
មនុស្សលោកគ្មានទីបំផុត ទ្រង់ចាត់រាជបុត្រ ឲ្យមកដោះមនុស្សគ្រប់គ្នា។
៣. ព្រះយេស៊ូវគ្រីស្ទ ជាអង្គព្រះរាជបុត្រា មកក្នុងលោកា
ប្រោសមនុស្សឲ្យរួចពីស្លាប់ អ្នកណាជឿទ្រង់
រួចទោសហើយក៏មានច្បាប់ ដ្បិតព្រះទ្រង់រាប់ អាចចូលដល់ឋានបិតា
៤. រីព្រះវិញ្ញាណ ទ្រង់សោតក៏មានកិច្ចការ ជួយមនុស្សគ្រប់គ្នា ឲ្យស្គាល់ដល់ព្រះរាជបុត្រ
បណ្ដេញអារក្ស មេបាបឲ្យវាចេញផុត ជួយនាំយើងរត់ ជៀសឆ្ងាយពីផ្លូវសាច់ឈាម ។
៥. យើងមានចិត្តស្ងប់ នៅពេលទ្រង់ប្រោសយើងភ្លាម មិននៅទីមទាម នាំគ្នាដើរតាមទ្រង់ទៅ ទ្រង់យាងនាំមុខ
ឲ្យយើងបានដើរត្រង់ផ្លូវ ការពារសត្រូវ ខ្លាចក្រែងឆក់យកបាត់បង់ ។
៦. ចូរយើងស្រែកច្រៀង សរសើរព្រះដោយស្មោះត្រង់ នាំតង្វាយផង យកមកដាក់លើអាសនា
មានចិត្តខ្ទេចខ្ទាំ លើកថ្វាយសូមទ្រង់មេត្តា លុបលាងទោសា តាមក្តីមេត្តាប្រោសលោះ ។